საქართველოს ყველა რეგიონიდან მივიღეთ დახმარება! ჩვენმა ხალხმა შეგვიძინა ტანსაცმელიც, საკვებიც და მაცივარიც!

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

 „ძალიან დიდი ხნის განმავლობაში ვიცხოვრეთ სიღატაკეში, გათავისებული გვქონდა ეს გაჭირვება, — ამბობს 25 წლის მარი. — სახლში რომ მივდივარ, უკვე ჩვევად მაქვს ქცეული და მინდა, მძიმედ ამოვიოხრო. ისევ წარმოვიდგენ ხოლმე ძველი ფანჯრების ხის ჩარჩოებს, რომლებიც ქარის დროს ხმაურობდა, მძიმედ დაავადებულ, გაღიზიანებულ მამას, რომელსაც არაფერი აქვს გასართობი და წყლის გუბეებს სარეცხი მანქანის გარშემო...“

 „მერე კი ჩემს თავს შევუძახებ ხოლმე: შეხედე, მარი, შეხედე! აღარც ის ძველი ხის ჩარჩოებია, აღარც ძველი სარეცხი მანქანა. მამაც აღარ ნერვიულობს და არ ჩხუბობს, წევს და უყურებს ტელევიზორს. მაღაზიიდან მოგვიტანეს ახალთახალი ტექნიკა, ბრწყინავს. ნელ-ნელა ვეჩვევით ახალ ცხოვრებას, რომელიც შეგვიქმნეს ფონდის მეგობრებმა. წარმოგიდგენიათ?! თურმე ბედნიერი ცხოვრება ჩვენთვისაც არსებობს!“

ხათუნა (დედა): რომელ პლაზმურ ტელევიზორზე შეიძლებოდა საუბარი — საერთოდ არ გვქონდა! არ ვიცოდი, ჩემი ავადმყოფი მეუღლე როგორ გამერთო. ძალიან გაღიზიანებულია იმის გამო, რომ ვერ დგება საწოლიდან. მინდა, ყველანი ჩაგიკრათ გულში! ეს ტელევიზორი კი უებარი წამალია ვალერიანისთვის.

მარი: მე და მამაჩემმა სერიალის ყურება დავიწყეთ — „არავინ იცის“. ისე მოგვეწონა, რომ გადავწყვიტეთ, არ დაგვეძინა. კინომარათონი გვქონდა ღამის სამ საათზე. ოჰ, რა მაგარი სერიალია! რამდენი ხანია, მე და მამას ერთად არ დაგვისვენია, არაფერზე გვისაუბრია, ავადმყოფობის გარდა! ეს თქვენი დამსახურებაა! ძალიან მიხარია.

ხათუნა: დღის განმავლობაში ტელევიზორი ბავშვებს ეკუთვნის — დანიელი და ლიკა უყურებენ. სახლში უამრავი საქმე მაქვს, მაგრამ მეც ვუყურებ შუალედებში.

— ლიკა და ბექა თავს როგორ გრძნობენ?

ხათუნა: უპირველეს ყოვლისა, მადლობას გიხდით იმისთვის, რომ ისინი პამპერსით მოამარაგეთ, ასევე ჩემი შვილიშვილი დანიელიც და ლიკაც. ბექა პამპერსით უზრუნველყო ჩვენი რაიონის გამგეობამ.

ჩემს ლიკუნას ეპილეფსია ისევ სტანჯავს, გუშინაც შეტევა ჰქონდა. მაგრამ თქვენი საჩუქრები ახარებს და უქარწყლებს დარდს. ვაჩვენე, ახლა რამდენი ტანსაცმელი აქვს — მაისურები, შარვლები, კაბები. სახე უბრწყინავს! შეიძლება ითქვას, თქვენი დამსახურებით ლიკუნა და გაბრიელი დიდი ხნით უზრუნველყოფილები არიან ტანსაცმლით — იმ პერიოდისთვისაც კი, ბაღში სიარულს რომ დაიწყებენ.

მარი: ჩერნოვეცკის ფონდის მანქანით ჩამოტანილი პარკები რომ დაინახა, დანიელმა ის აარჩია, რომელშიც სათამაშოები იდო და ფერადი მანქანა ამოიღო თავისთვის. ლიკუნა კი ტკბილეულის პარკში ჩაძვრა მაშინვე.

ხათუნა: ბედნიერებაა, ქართველები ერთმანეთს რომ ეხმარებიან! ჩვენმა  ხალხმა იმედი არ გაგვიცრუა. მინდა, ჩემი დიდი პატივისცემა გამოვხატო და ყველას მადლობა გადავცე. ვიცი, რომ საქართველოს ყველა რეგიონიდან მივიღეთ დახმარება. მიუხედავად იმისა, რომ მრავალი გასაჭირი აქვს ჩვენს ოჯახს, ეს უდიდესი შვებაა და სიხარული, როდესაც ხალხთან კავშირს და თანადგომას გრძნობ!

26 წლის განმავლობაში ვოცნებობდი ფანჯრების გამოცვლაზე. 26 წელი, ხალხო! მეგონა, ისე დავბერდებოდი, რომ ეს ფანჯრები არ შეიცვლებოდა და სიცივისგან ვიკანკალებდით მუდამ. სხვა რა უნდა მეფიქრა, როდესაც ოჯახში ყველა ავად არის და არავის შეუძლია მუშაობა? სხვა რა უნდა მეფიქრა, როდესაც რაიონის გამგეობა თავიდან პამპულებივით გვიშორებდა? არ ვიცი, ფანჯრების შეცვლას, ტელევიზორს, მაცივარს და სარეცხ მანქანას რატომ დაგვპირდნენ! რისთვის დაგვაიმედეს? რამდენჯერ მივაკითხეთ და მოვისმინეთ: „არ დაფინანსდა“.

საბოლოოდ, ჩერნოვეცკის ფონდმა გვიყიდა ყველაფერი. ამ ყველაფერს უბრალო ხალხის, ფონდის მეგობრების დამსახურებით ვეღირსეთ. სულ ცოტა ხნის წინ გაგიცანით, თქვენ კი უკვე ჩვენი ამდენი პრობლემა გადაჭერით. დიდ და სერიოზულ საქმეს აკეთებთ. უიმე, ნეტავ, თავიდანვე თქვენთვის და არა ხელისუფლებისთვის გვეთხოვა დახმარება.

— ახლა ხომ ზუსტად იცით, ვის უნდა მიმართოთ?

ხათუნა: დიახ, ჩემო ძვირფასებო! ჩემი ოჯახისთვის ეს თვე ძალიან ბედნიერია, ძალიან ბევრჯერ გაგვახარეთ. უფალს მადლობას ვწირავ, ამდენი მონათესავე სული რომ ვიპოვე, ვინც თანაგვიგრძნობს. მიხარია და იმისთვის, რომ არსებობთ, უფალს მადლობას ვწირავ.

მარი: დამავიწყდა, საწოლზე რომ მეთქვა. ისეთი ფართოა და მოსახერხებელი! ჩვილივით მძინავს. რამდენი ხანია, ასე არ მძინებია! ჩემი პატარაც გვერდით მყავს. დილამდე სძინავს და აღარ მაღვიძებს ხოლმე. 

— ფონდის მეგობრებმა ძალიან კარგად იციან ყველა ოჯახის გასაჭირი. და, რა თქმა უნდა, ჩვენც, ფონდის თანამშრომლებს, თითოეული შემთხვევა კარგად გვაქვს შესწავლილი. რამე თუ გამომრჩა, თქვენ დაამატეთ: რეგულარულად გჭირდებათ პამპერსი — როგორც პატარების, ასევე დიდების, წამლები, სველი ხელსახოცები, პროდუქტები და ბავშვთა კვება.

ხათუნა: თუ შეიძლება, „კარმას“ გთხოვთ კიდევ — სახლისთვის გაზის გამათბობელს. შეშა სულ უფრო ძვირდება. ათასჯერ გიხდით მადლობას ყველაფრისთვის!

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

იმ ოჯახებშიც კი, ვინც კარგად იცის, რას ნიშნავს ტანჯვა, ხანდახან ბედნიერი დღეები დგება. ერთი ბედნიერი თვე აჩუქეთ მოსიაშვილების ოჯახს, მძიმედ დაავადებულებმაც კი გაიხარეს და უბრალო, ადამიანური ბედნიერებით ტკბებოდნენ. ოჯახის ოთხ წევრს: მამას — ვალერიანს, ბიჭებს — ზაქროს და ბექას, გოგონას — ლიკას, მზრუნველობა და სამედიცინო მომსახურება მუდმივად სჭირდებათ. ყოველთვის შეგიძლიათ დაეხმაროთ და შეუმსუბუქოთ მწარე ცხოვრება.

 თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით ყურადღება ჩვენს „ფეისბუქის“ პოსტებზე გადაიტანეთ; ან უმჯობესია, ჩვენს ნებისმიერ ბენეფიციარს დაურეკოთ და ყველა თქვენი პრობლემა უმნიშვნელოდ მოგეჩვენებათ მათთან შედარებით, ვისაც ცხოვრების ყველაზე მძიმე წუთს დაეხმარეთ.

მათ პრობლემებთან შედარებით, ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ შეჭირვებულებს.

სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ დროდადრო გადახედეთ ხოლმე ამ საბრალო ადამიანების ისტორიებს ჩვენს ვებგვერდზე და ესაუბრეთ მათ. ყოველ ჯერზე, როდესაც მორიგი შეჭირვებული ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! განაგრძეთ ამ ოჯახების დახმარება! სწორედ ეს არის საუკეთესო ღვთისმსახურება! 

მეგობრებო, კიდევ ერთი თხოვნა გვაქვს თქვენთან — თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ გამოიჩინოთ გულისხმიერება და ამის შესახებ მოგვწეროთ ელექტრონულ მისამართზე: office-fsp@fsp.ge  

ჩვენი ფონდის ანგარიში:

საქართველოს ბანკი GE64BG0000000470458000

თი ბი სი ბანკი GE15TB7194336080100003

ლიბერთი ბანკი GE42LB0115113036665000 

(დანიშნულება: მოსიაშვილების ოჯახი).

შესანიშნავი ამბავი: ფონდის მეგობრები დაეხმარნენ მოსიაშვილების მრავალშვილიან ოჯახს! ხათუნა, ხუთი შვილის დედა: „არ ვიცი, როგორ აღვწერო ჩემი ემოციები, სასიამოვნო შოკში ვარ!“