ქეთა მზის შვილია, არ უნდა, მის „ვავაზე“ რომ ილაპარაკონ. მას ხომ, ბევრი ნიჭი აქვს: შეუძლია ჭურჭლის რეცხვა, ჯოხების წერა, სარეცხის დაფენა და დედიკოს ცრემლების შეჩერება ერთ წუთში. დედიკო ძალიან უყვარს და ეს ყველაზე კარგად გამოსდის! ისეთი გულთბილია, ნებისმიერ ადამიანს გაათბობს.

გაიღიმეთ, მეგობრებო! სულიერად ჩაეხუტეთ ლაზარეს! ეს პატარა ბიჭუნა ხომ, ახლა, სწორედ თქვენი დამსახურებით არის ბედნიერი! ის პირადად თქვენთვის იღიმის! ლაზარე: გახსოვთ, ველოსიპედზე რომ ვოცნებობდი ყველაზე მეტად, მაგრამ ხერხემალი გამრუდებული მქონდა და მაშინ, არ შემეძლო ველოსიპედის ტარება - ნორმალურად სიარულიც კი არ შემეძლო. ახლა კი, შემომხედე! ოპერაციაც გავიკეთე და ველოსიპედიც მაქვს. დედაჩემიც აღარ ტირის ყოველდღე, ლოცულობს და მადლობას უხდის ფონდს და ხალხს... თქვენი ფონდის სახელიც კი დავიმახსოვრე - "ჩერნოვეცკის ფონდი", დედა ხშირად ახსენებს ლოცვებში! ასე რომ, იცოდეთ, თქვენ უბრალოდ "ნატვრის ამსრულებლები" ხართ!

მაგდა (12 წლის): მეუბნებიან, რომ ლამაზი გოგო ვარ. მაგრამ მე ვერ ვხედავ ჩემ თავს. სულ მაინტერესებს, როგორ მხედავენ სხვები. იქნებ მართლა ლამაზი გოგო ვარ? სულ მეფიქრება ამაზე. ისეთი არ ვარ როგორც სხვები, მაგრამ სურვილები ისეთივე მაქვს, როგორც სხვა ბავშვებს. ჩემი დიდი ოცნებაა გასართობ ცენტრში მოხვედრა და ატრაქციონები! ერთხელ კარუსელზე ვიჯექი და ეს ყველაზე საოცარი შეგრძნება იყო. კიდევ ვოცნებობ ობსერვატორიაში მივიდე. ძალიან მინდა ვარსკვლავების ნახვა, ამბობენ როცა ღამდება ცაზე უამრავი ვარსკვლავი ჩნდებაო. ალბათ ვარსკვლავების ყურება რა ბედნიერებაა. ჰო, და კიდევ მინდა მქონდეს ბატუტი. აი ესაა ჩემი ოცნებები.

გაიღიმეთ, მეგობრებო! თქვენ ბედნიერება აჩუქეთ პატარა ნინის! ის პირადად თქვენთვის იღიმის! უკვე თითქმის ორი წელია, ნინი საავადმყოფოში წევს. გულწასული მიიყვანეს, ექიმებს იმედიც არ ჰქონდათ, რომ ოდესმე, გონს მოვიდოდა. მაგრამ ნახეთ, რა მოხდა! თქვენი დამსახურებით, ნინი არა მარტო გონს მოვიდა, არამედ კონტაქტშიც შემოდის! ყურებიანი ყურსასმენების ყიდვა გვთხოვა! ეს მისი ოცნება იყო მანამდეც, სანამ საავადმყოფოში დააწვენდნენ, დედას კი ფული არ ჰქონდა და მთელი მისი შემოსავალი, მედიკამენტების ხარჯებს ძლივს ფარავდა! ახლა კი, ნინის აქვს თავისი ოცნების ყურსასმენები და საყვარელ მუსიკას უსმენს, ჩიტების სიმღერას და ბუნების ხმებს! თავად ვერ გეტყვით მადლიერების სიტყვებს და ამიტომ, მთელი ფონდის სახელით, ჩვენ გიხდით მადლობას!

ბარბარე სამი წლისაა. ცხოვრების უმეტესი ნაწილი მან საავადმყოფოებში გაატარა. მას ძალიან ეშინია თეთრხალათიანი ადამიანების, 12-ჯერ გაუკეთდა ნარკოზი, ხელები ნემსებისგან აქვს დაჩხვლეტილი და რამდენიმე რთული ოპერაცია გადაიტანა. ექიმებს ვერ გაურკვევიათ, რა სჭირს ამ ლამაზ გოგონას: ხან სახე უშუპდება, ხან ჩირქი სდის თვალებიდან და ცხვირიდან.