საბრალონი და დაჩაგრულნი

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100 

საკუთარი შვილების საწამებელი ოთახი! თუ ჩვენი სიყვარულით არ გავათბობთ მათ, ძალიან მალე გამოუსწორებელი უბედურება მოხდება!

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

— მზევინარ, როგორია თქვენი შვილების მდგომარეობა?

მზევინარი: რუსუდანი, არც კი ვიცი, როგორ გითხრათ, მოწყვეტილია ქვეყნიერებას. ალბათ, ემალება ამ დაუნდობელ სამყაროს. იმისთვისაც არ მოვა თვითონ, რომ ჭამოს. საწოლიდან თუ დგება, არ იცის, როგორ იაროს. ხელჩაკიდებული შეიძლება ეზოშიც წამომყვეს. მაგრამ მარტო, უბრალოდ, დაიღუპება.

— როდესაც თქვენს შვილებს უყურებთ, რას გრძნობთ?

მზევინარი: თავს დამნაშავედ ვგრძნობ, ასეთი საშინელი ცხოვრებისთვის რომ გავაჩინე. მათი ტანჯვის შემხედვარე, გული მიკვდება, საკუთარ უსუსურობას და უმწეობას ვაცნობიერებ. ამდენწლიანი ტერორის მერე მეც უნარშეზღუდულ ადამიანად ვიქეცი. არც კი ვიცი, რა მოვიმოქმედო, როგორ დავაღწიო თავი ამ ყველაფერს.

— რატომ ითმენთ ძალადობას მეუღლის მხრიდან?

მზევინარი: მეშინია. მეშინია, ჩემი შვილების გამო. შიში მიპყრობს და ვეღარ ვხედავ გამოსავალს. სრულიად უმწეო გავხდი და აღარაფრის შეცვლა არ შემიძლია. პარალიზებული ვარ შიშით!

— ძვირფასო, რით შეგვიძლია დაგეხმაროთ?

მზევინარი: მიმოიხედეთ გარშემო. მე უკვე ვეღარ ვაზროვნებ. მინდა, სიმყუდროვე შევუქმნა ჩემს შვილებს. მათ სჭირდებათ საწოლები და ტანსაცმელი. კიდევ, რა თქმა უნდა, საჭმელი და ექიმთან გამოკვლევების ჩატარება! შიშმა ჩვენი ცხოვრებიდან ყველაფერი ამოშალა. უბრალოდ, ტელეფონის ზარის ხმა რომ ისმის, ჩურჩულით კითხულობენ ჩემი შვილები: „მამაა? სახლში მოდის?“ — მათ თვალებში კი იმხელა შიში ჩანს, სისხლი ძარღვებში გაგეყინებათ!!!

სახლში სახურავიდან ყველგან ჩამოდის წყალი. არც ნორმალური საწოლები აქვთ და არც საჭმელი. საერთოდ არავინ მყავს, არც ახლობელი, არც ნათესავი! ადრე მყავდა გულკეთილი დედამთილ-მამამთილი. მაგრამ უკვე აღარ არიან ამქვეყნად! მე და ჩემი შვილები სად ვართ?! არც საიქიოს, არც სააქაოს. დამეხმარეთ, აზრზე მოვიდე და ჩემს შვილებზე ვიზრუნო, რაც მთავარია! თორემ მეც წავალ იმქვეყნად. ჩემი შვილები კი, სიტყვებით ვერ აგიხსნით, სად დარჩებიან! საშინელება ელით!

- ღმერთო ჩემო! არც კი ვიცი, რა გითხრათ, როგორ დაგიცვათ... ქომაგი არავინ გყავთ, არც ნათესავი, არც ახლობელი?

მზევინარი: მშობლები დიდი ხანია აღარ მყავს. ძმებიც გარდამეცვალა. სხვისი ოჯახის პრობლემებში ჩარევა კი არავის სურს. წესია ასეთი: ქალმა უნდა ითმინოს ყველაფერი! და აი, შედეგიც.

— როგორ დაქორწინდით?

მზევინარი: არავის არაფერი უკითხავს ჩემთვის. ერთმანეთი გაგვირიგეს და მითხრეს: „შენ მისი ცოლი ხარ!“ სულ ეს იყო.

— რა გაახარებდა თქვენს შვილებს?

მზევინარი: რუსუდანს გაუხარდებოდა ლამაზი კაბა, მაგრამ მამამისს თუ არ მოეწონა, ესეც შეიძლება ჩხუბის მიზეზი გახდეს. მას არ მოსწონს ლამაზი კაბები, მაკიაჟზე კი საუბარიც ზედმეტია. ტარიელს, ალბათ, პლანშეტი გაახარებდა, მაგრამ აკრძალულია ესეც. ამიტომ საკვებ პროდუქტებს, საწოლებს, მაცივარს და კიდევ სახურავის შეკეთებას გთხოვთ.

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

დღეს მოგმართავთ და მთელი სერიოზულობით მოგიწოდებთ, დავეხმაროთ მზევინარის ოჯახს, რომელიც ურთულეს მდგომარეობაში აღმოჩნდა. ეს ოჯახი შეპყრობილია ძალადობის შიშითა და დაავადებებით, მათ თქვენი თანადგომა სჭირდებათ, რომ ამ კოშმარს თავი დააღწიონ.

ოჯახის დიასახლისმა, მზევინარმა გვიამბო, როგორია  შიშით, ძალადობით, ტკივილითა და სირთულეებით აღსავსე მათი ყოველდღიურობა. ოჯახს არ ჰყავს არც ახლობელი, არც ნათესავი და ამის გამო იზოლირებული არიან და არ შეუძლიათ, მძიმე გარემოებებს დამოუკიდებლად გაუმკლავდნენ.

მზევინარი რთული არჩევანის წინაშე დგას: განაგრძოს მეუღლის მხრიდან ძალადობის მოთმენა თუ ამ კოშმარიდან ეძიოს გამოსავალი. ამ „მკაცრი რეჟიმის კოლონიას“ როგორ დააღწევს თავს?

მსგავსი სირთულეების წინაშე მდგომი მრავალი ოჯახისთვის საზოგადოების მხარდაჭერა ძალიან მნიშვნელოვანია. მათ უნდა გააცნობიერონ, რომ არ არიან მარტონი და ჰყავთ ქომაგები. პრიორიტეტული უნდა იყოს ოჯახებისთვის ისეთი უსაფრთხო სივრცის შექმნა, სადაც ბავშვები განვითარდებიან და დაცულად იგრძნობენ თავს.

არც დაგვიმალავს, არც შეგვილამაზებია არაფერი. ყველაფერი ისე გიამბეთ, როგორც არის... ამ ამბის გაშუქებამ შესაძლოა, მიიპყროს იმ ორგანიზაციების ყურადღება, რომელთა სპეციალიზაციაც, ადამიანის უფლებათა დაცვა და ოჯახური ძალადობის წინააღმდეგ ბრძოლა არის.

ხაზგასმით უნდა აღვნიშნოთ, რომ ასეთი ისტორიები საზოგადოების მხრიდან უყურადღებოდ არ უნდა რჩებოდეს. მრავალმხრივი მიდგომა და ერთობლივი ძალისხმევაა საჭირო, რომ ასეთ უკიდურესად მძიმე ვითარებაში მყოფი ადამიანების საცხოვრებელი პირობები შეიცვალოს.

თუ გსურთ, მოინახულოთ და დახმარება პირადად გაუწიოთ ამ ოჯახს, მათი მისამართია: ახალციხის მუნიციპალიტეტი, ქალაქი ვალე, მანველიშვილის ქ. № 79.

ყოველ ჯერზე, როდესაც ვინმეს დახმარება შეგიძლიათ, უბრალოდ დაეხმარეთ და გაიხარეთ, რომ ღმერთი თქვენი მეშვეობით პასუხობს ვიღაცის ლოცვებს!

გვჯერა, რომ ერთად ამ ოჯახის გადარჩენას ნამდვილად შევძლებთ!

არ დაგავიწყდეთ ამ პოსტის გაზიარება, ამ ოჯახის გასაჭირის შესახებ თქვენმა მეგობრებმაც რომ შეიტყონ! ეს ძალიან მნიშვნელოვანია!

მეგობრებო, კიდევ ერთი თხოვნა გვაქვს თქვენთან: თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გამოიჩინოთ გულისხმიერება და მოგვწეროთ ამის შესახებ ელექტრონულ მისამართზე: office-fsp@fsp.ge

ჩვენი ფონდის ანგარიში:

საქართველოს ბანკი GE64BG0000000470458000

თი ბი სი ბანკი GE15TB7194336080100003

ლიბერთი ბანკი GE42LB0115113036665000 

 (დანიშნულება: მზევინარ ხმალაძე).

თანხის ჩარიცხვა შესაძლებელია ჩვენი ვებგვერდის მეშვეობით: „საქართველოს ბანკი“ (e-commerce), „TBC ბანკი“ (GeoPay), „ლიბერთი ბანკი“ (PayGe), PayPal.

 კორ.: ნინო